第十三话
“系呀，今日就上机la...到咗北京再打比你同Daddy la...我仲有嘢要pack呀...” 子希 (佢收起电话，仔细咁睇下自己间房仲有咩要?）
过咗几个星期後，子希安排好上去北京嘅事宜，心虽然系不舍，但系既然已经决定咗，就洒脱d，快快咁?拾自己间房...
子希望住呢间同佢共渡不少孤寂嘅房间，回忆中既有苦亦有甜，想返起来，佢都回心微笑....
至於博文...佢几乎呢几个星期无同子希讲个嘢，一放工就锁自己系房，就算子希煮咗嘢比佢食，都无出过房门....佢之所以系咁样，唔系因为嬲子希要离开佢...而系佢觉得因爲自己嘅内弱同任性...令到佢身边嘅人都离开佢....佢真唔知点面对子希...即使佢知道子希今日要飞，佢都唔敢向佢道别....
“我走la...你保重la...” 子希(佢向住博文嘅房门道别...可惜佢眼前豪无动静...即使佢知道博文都系唔会有回应，但系总好过不辞而别... 子希深呼吸一下，就行出咗呢个“屋企”....
博文听到厅门嘅闭门声...就行出房...叹气咁望住无住子希嘅饭厅....
几个月後，博文往常咁放工同同事落酒吧饮嘢...但唔同嘅系平时自信爆棚，口花花嘅沟女王，而家变咗一个沈默寡言嘅打工仔，只系同同事倾公事...无畅谈自己玩过嘅女仔或者咸shi嘢...佢嘅同事都觉得好詑异...估佢系唔系比女仔飞起咗....
博文系去厕所其间，竟然比佢撞到阿仁...博文好尴尬咁同佢say hi...相反阿仁就好亲切咁拍一拍佢嘅膊头...
“Ah. 你好..我系..” 博文
“我知你系边个，方博文呀ma...凌子希好钟意个个男仔” 阿仁
“而家...应该唔系la...” 博文
“佢又点会放得底你呀...喂不如我地揾个地方倾下计lor” 阿仁
“吓...点解..” 博文
“因为我想知凌子希钟意嘅人系点样，同埋点解我会输比你lor” 阿仁
“吓...” 博文
“你唔系惊咗我呀ma...” 阿仁
博文好尴尬摇咗下头，就跟阿仁去咗一间好文静嘅咖啡店...大家坐得咗，博文打量咗阿仁一眼...睇落阿仁的确嘅几靓仔...西装骨骨，高高大大，虽然无自己咁大只，但系气质方面就输咗比阿仁
“系呢...你有无同子希联络呀？” 博文
“间唔中都有嘅..不过近排佢好忙“ 阿仁
“咁佢系北京过得okay ma...” 博文
“Okay 叽... 但我觉得佢始终有d嘢放唔底..” 阿仁 (佢望住博文暗笑咗下)
“点解你唔去揾下佢? 如果你咁唔舍得...” 阿仁
“我唔知点开口...” 博文
“其实你怕d咩呢？怕自己钟意咗个男人??” 阿仁
博文咁比阿仁质问，真系有d胆怯，莫非真系比阿仁讲中咗......自己惊比人笑系中途转基？惊比人睇唔起??
“我都明嘅...一切黎得咁突然，你都无办法接受唔到...” 阿仁
博文好无耐咁点点头
“不过暗恋一个人十几年，真系一件好辛苦嘅事，你要佢无名无份咁同你一齐，又系一件好残忍嘅事...” 阿仁
“咁我应该要点做...去北京揾返佢？” 博文
“ 你咁嘅样去，又系无结果...” 阿仁
博文好气馁咁望住个咖啡杯...心谂佢同子希系唔系已经缘尽...
“你就衬子希唔系到个时...去沉历下....去改变下...唔系为咗佢，系为你自己...” 阿仁
“为我自己?” 博文
“你望下出面，系条咁纸醉金迷嘅街到，有几多人会揾到一生嘅依靠...有几多人at wat 咁就过一世？” 阿仁
呢番説话，令博文有所觉悟，无错自己而家系有本钱去玩去蒲...但系过多十年，二十年呢？仲有无人会当佢系男神？再讲自己蒲咗咁多年，有几多人同佢玩过嘅会对佢真心? 话唔最後好似Anna 同 Alex 比人玩返佢转头...
“Ah...唔好讲到咁沉气la...总之个句，你好好为你地两个人打算下la...” 阿仁
呢一刻，博文真心觉得阿仁无论内里内在都一个无得轮嘅男人...竟然肯去扶持同开解自己嘅情敌...虽然两个系同年，但系对方就比自己更可靠，更成熟...比着自己系子希，都宁愿拣阿仁...而唔系虚有其表嘅自己...
同阿仁交谈完後，博文个心反而踏实左，起码自己有个方向...就算子希唔再返黎，自己都要好好活下去..