第二十二章 最终章
上回讲到小毒捻一条友去到蒲郡朝圣，点知ALVIN突然出现咗喺我面前，仲要系我完全无同佢讲过我行程而佢估到我会去边，个感觉就好似缘份游戏咁，原本以为世界咁大边有可能会遇到但佢偏偏又真系搵到你知你去咗边，我谂除咗有份感动之外其实仲系好惊，心入面真系闪过一个想法系唔通呢世真系离唔开佢，当然我真系好唔想咁样，人地明明一家人真系好融洽好开心而我只系个局外人，我唔知ALVIN只系当我玩玩下玩完就返去佢老婆身边，就算佢讲好多承诺说话都好我都系有种唔想信惑觉，越多感动出现我就越惊，越想离开呢个困境。有朋友应该会觉得自己黎贱，如果当初唔应承又或者唔开始就唔会发生呢件事。系，面对呢啲指责我都只可以承认我系一个贱人。
大家喺蒲郡玩咗半日，同锺意人去一个自己想去咗好耐地方呢件事系幸福，更幸福系可以买好多限定ONE PIECE 公仔又唔使俾钱，估唔到明明一个大人一个专业人士，竟然有人机去听我讲佢地草帽一伙关系，会开始想去知佢地每一个角色劲啲咩有咩用，亦开始会因为你而对你有兴趣野有兴趣，呢份感动我唔知应该点讲，而我偏偏就好无勇气去面对呢份爱，如果我可以真心当自己系一个俾人包MONEY BOY内心应该系会好过好多。
ALVIN：你买咁多野屋企放唔放得晒架
SA：放唔晒咪放喺你度罗，你唔系话会开始睇ONE PIECE咩？到时你都一定会钟意，一定会後晦无买野
ALVIN：可能到时系阿允锺意咗呢
SA：咁咪放入佢房罗，不过你地俾咁大压力佢应该都好难有机会睇漫画
ALVIN：我谂佢应该会锺意睇书多啲
SA：我谂系佢无机会进入我地宅男世界啫
ALVIN：咁唔知阿允个老豆有无机会进入你世界呢？
SA：定你只系想进入我咋？
ALVIN：咁有得试都可以试试
SA：无黎正经，都唔明点解你做到医生
口就咁讲，但个心系SWEET，人就好怪，明明我平时系个纯1仔，外表完全睇唔出系个MEMBER，唔系好明点解对住ALVIN就会好想嗲佢依赖佢，就算rou体上我唔能够俾佢入，我都好想Jing神上可以做到佢心中想要野，我知道如果我再咁落去对我对佢都唔会系一件好事，呢一晚虽然咩都无做过，只系揽住ALVIN黎训，睇住佢好似小朋友咁睡相真系好唔舍得佢，我已经唔要咗佢好多次，如果再黎一次我都唔知佢顶唔顶得住，不过衰仔都要做呢次。
如果要决心同一个人断绝来往，换电话应该系一个最好最好方法，讲真我人生都无咩叻，就自欺欺人呢家野唔差，就算人生无咗呢个人我都可以继续好好咁生活，而佢无咗我亦都可以同屋企人开开心心咁一世，唔知道现实会唔会系咁，但我都好希望我地双方都会因为呢次分开对大家都有好处
无谂过几个星期之後会收到佢SEND俾我一封EMAIL……..
Dear 仔仔（其实我心里面一直都叫你仔仔），
我一直都好担心既事寻日终於发生左，就系比你block我个p。。。当我意识到个阵个心痛左一痛，第二朝起身刷牙个阵，眼泪唔知点解流左落黎，个心好痛。返工路上，我唔敢开p，怕见到你p空白既i。p，应该算系我地唯一沟通方法，我唔敢打电话比你，怕比你cut我电话。。。
我地第一次p系到今日未够半年，但好似识左好耐咁。我都唔知道点解我会锺意你，由偶然见到你，到第一次无啦啦个陌生人，第一次做一的从来未做过既野，第一次可以好光明正大同男仔讲yIn野。认识左你之後，了解你多左，你系一个几特别既人，好想可以了解你多的，做一个你可以信赖既人。以前我听到你话你忙，要同朋友出去玩，我会好觉得同朋友出多啲去识多啲人系好事，但唔知几时开始，我会妒忌，会唔知你出去做咩，可能果阵我开始锺意你？我知道我什麽都不是，但真系好想我可以咁同你一齐，就算一次，可以再拥有你一次，我都无憾了。。。应该冇呢个可能吧？
同你去日本果阵，我地一齐分享既旅程，我真系好好好开心，好似开心过之前所有旅行！我以为同你可以好似初初识果阵咁，可以咩都讲，同你响船上面影咗好多相，足足开心左我成个下昼，自己系度狂loop，傻笑，仲有一张船上你啤我，个眼神真系杀死人咩，我仲记得佢叫烈阳号架～只可惜，过多一日，好似咩都唔同晒。。。
我一直都觉得你好叻仔，好聪明，好独立，而且你系一个好好既人，你一定会有一个你值得去爱一世既人！一定！
原本我仲有好多野想同你讲，冇念过咁快就比你block左。。。太快，太突然啦。。。可能我真系好烦？烦左你咁耐，我好对唔住呀！真系好唔舍得。。。我会好挂住你架！！！
我知下一年对你应该系一个好重要既一年，毕业啦！唔知你个东欧之旅计画成点呢？希