Ｃｈａｐｔｅｒ－（Ｉ）－插班生
我，系今年岩岩插班入黎依间学校o既插班生。因为父母离婚，而我判佐跟爸爸，
我同爸爸就搬佐去新一区到生活，而我妈妈亦飞番去巴黎同个新老公一齐。
而我自己，今年就１６岁，岩岩好赶得切九月一号读到中四。
今日我去到我黎紧几年都会系到读书o既新学校。
当我入到我个班，ｄ女仔即刻静晒之後同佢隔离系咁讲系咁讲。
而ｄ男仔就系咁自己围内系咁倾系咁倾。间班房无啦啦成班人系咁讲系咁倾。
其实我都惯，每次转校。新o既同学都会对我好有兴趣，
我拥有标准大家公认靓仔o既样貌，中法混血儿，大大的金色眼睛，岩岩染番黑o唔长唔短既头发，
高挑o既身躯，因为成日游水o既关系，而练出黎o既一身肌rou。
英俊杀食o既外貌，再加上运动员o既身材，一直迷死不少少女。
我望一望个位，咦，正！隔离冇人！
我行过去个位个时，ｄ女仔系咁对我微笑，有ｄ仲申只手出黎同我握手。
我虽然对佢地冇兴趣，但礼貌上都要同佢地握下手笑下应酬下。
我几经辛苦，终於行到个位，我坐落个位先发现我隔离有人嫁原来！！
只不过条友趴佐系到。仲训佐觉！
我都系唔阻住佢，放低ｄ野，就开始上堂。
之後个一日，每堂o既老师见到我都好友善咁对我，
个个都话有唔明就问佢唔明就问佢。
你估我真系有咁多野唔明咩--
其实我最唔明就系我隔离个个，佢全日上咩堂都系系到训教。
有几次佢训教个时佢望过黎，我借ｄ儿望下佢个样。
头发虽然乱乱咁，但可以清楚见到头发下俊俏o既样，仲带小小邪气。
就系因为依点邪气，令我不禁望佢望到呆佐系到，双眼唔愿意移开。
突然，佢只眼打开。我因为双眼定佐o既关系一时郁唔到，
我地有几秒四目相投。佢双眼好有神，对眼好似识吸走人个灵魂咁......
小霖：「啊......对..对唔住...」
我都味讲完佢又训番........
之後我都唔敢再望佢，直到放学。
我估佢会继续训，但佢竟然第一时间走佐.....
我原本仲想股起勇气问佢咩叫名tim.....=v="|
之後我就行去问d同学仔....
小霖；「唔好意思.......」
女仔：「小霖!?....咩..咩.事牙?..er..我...我想..同你做...做个朋友牙..可...可以吗?」
小霖：「啊.....好啊....我想问呢...坐我隔离个个叫咩名牙.....」
女仔：「哦.....佢叫程朗，佢平时都系唔讲野，日日系到训。但系次次考试唔知点解又会好高分...所以ｄ老师上堂唔会点理佢」
小霖：「哦...好牙....唔该晒.......」
程朗.....唔...我会记住依个名..
[]