我永远记得，大学男同学Vi，在毕业前公开了同性恋者身份。然後在一次聚餐中，同系的某君 讪笑：「其实做基佬咪算罗，做咩要公开啫，偷偷哋咪几好。」
Vi放低啤酒，反问：「点解异性恋者就可以喺facebook高调晒幸福，同性恋者就要匿匿埋 埋？」，某君继续嬉皮笑脸：「咁你会畀人歧视喎，你唔惊咩？」。
Vi说，要争取平等，第一件事，就是别把自己当成低人一等的怪胎。
结果，只换来某君的一句：「搞Gay都咁扬，你自己睇路啦。」我忍不住插嘴：「你呢啲仆街就要睇 路喇，屌你老味。」聚餐不欢而散，我失去了一位「朋友」，却换来Vi一声「多谢」。
那夜我们在南山邨的公园吹水，他说，意识到自己是同性恋者後，试过找来前度倾诉。对方跟他 说，要爱一个人，首先要学会面对自己，否则只会因为自卑，叫双方都痛苦，所以，不要害怕。
这番话令这对从前恋人成为最好的知己，也叫Vi鼓起勇气，向心上人的他示爱。年多以来，他 们都很幸福，而惟一一次公开牵手，是在墨尔本，此後，再无下次。
於是，Vi决定「出柜」，让全天下知道，爱，没有罪。他知道路很难走，也曾後悔过，但最重 要的，是找到前所未有的舒坦。「畀人叫你Gay佬，好过拖住个女仔扮『正常人』吖」，Vi如 是说。
很多人，口里说不歧视，心底却想要清除碍眼的画面。这种伪善，如像政治中立的垃圾，说不反对 抗命，但也得维持治安。我识书唔多，只想讲句「屌你老味」。
眨眼又几年，Vi和爱人仍然甜蜜，我们身边的情侣却纷纷离异。他说，同性恋者要找到情人， 并不容易，所以更懂得珍惜，「我觉得系还原基本步，爱情，本来就应该咁简单。」
「世界系咁o架啦」，屌你老味，呢句真系难听过粗口。
同性恋被歧视，系咁o架啦；香港楼价狂升，系咁o架啦；8.31人大决定，系咁o架啦；含泪投泛民， 系咁o架啦。
「我唔系唔支持啊，只不过个世界就系咁，所以你都系唔好咁做喇」，哇，呢啲说话听到都要洗 耳。你去食大家乐，屌你有pat屎喺度，系咪唔退钱啊？系咪照食啊？ 喂唔煮都煮咗啦，我唔系唔明屎系难食啊，只不过个世界系咁，你都系照食啦。但系讲明先啊，我 撑你o架！
你话改变世界系理想论，但希望你明白，出柜明志嘅人就系抱持呢个要改变世界观念嘅决心。
要企喺出柜者嗰边，系唔可以大大声话：「世界系咁o架啦」，因为要同性恋得到认同，世界唔可以 系咁。
「世界系咁o架啦」，讲好易，亦好ving 。你话改变世界好天真？我知，我明我都觉。
但就系愈嚟愈多人e out企出嚟，十年後会点？let' s see，但唔做一定无机会改变。
其实「世界系咁」，香港人应该乜都唔好做，等死就最好。年轻人，唔好成日合理化你心目中嘅 「世界」，觉得有梦嘅人点都要屈服，咁同做狗，其实系无咩分别。
真系好躁。