8
「sor我迟左少少」Cyrus赶到红磡站。
「饿死我啦」Wallace看看电话的时间。
「好似已经过左食药时间啦可？」Cyrus好像每次也会令Wallace不能够准时服药。
「唔紧要啦迟少少食唔会死嘅」
「去食野啦咁，置富果边？」
「冇所谓呀」
「咁行啦」
「话说你只药系要full meal定食少少野就食得？」
「要full meal架，所以先较左九点食呢个时间，我多数都食完野」
「得啦我知系我迟，唔好死呀你」
吃饭的时候，Cyrus心中总是在思考如何再亲口问Wallace的意向。
饭後，往红磡站的天桥上，途人不算多，Cyrus终於按捺不住了。
「你有冇谂住拍拖？」
「有考虑过唔同嘅人嘅??」
「咁有冇考虑过你隔离果个？」
「你真系想知？」
「系呀」
「其实一直都只系当你朋友，就系当你朋友先会同你讲咁多野」
「哈??我仲以为特别嘅人先会讲咁多野添」Cyrus的笑声有点生硬。
「如果真系想发展嘅对象，我会好小心，好怕佢judge我」
Cyrus脑中闪过很多想法，很多问题，不过他没有提出，反正，就是被拒绝了。
「我??都多谢你咁老实嘅」
「我知你性格中意直接」
「咁??我可能要潜一阵水先喎」
「我都明嘅，不过我好开心有一个咁啱倾嘅朋友」
「咁我放低左嘅话，我会再揾你嘅」
转眼间他们已走到红磡站的入闸口，Cyrus装作潇洒地抛下了一句
「我走啦，再揾你啦迟啲」
「嗯，byebye」
「嘟」Wallace拍卡入闸，Cyrus往巴士站走去。
今次短少少，後面嘅仲写紧，会大概三四日更新一次
睇完嘅留个名支持呀