引子
「Let' s live tonight like fireflies
And one by one light up the sky
We disappear and pass the
You' re beautiful, you' re beautiful」
升降机门刚打开，强劲的音乐声马上传来，震动Justin的内脏，也震醒了体内的活跃基因。
还未到午夜，人群早已把酒吧挤得水泄不通。Justin侧身穿过门外的人群，混进音乐节拍里。
Justin，是一个升降机门开启後才存在的角色，就像Madonna一样，没有姓氏，没有背景，随意穿插在男孩中，或许还会留下一点痕迹。
Justin走近吧旁的一个男孩，亲切地搭上他的肩头。
「喂Desmond，咁早今晚？」
叫Desmond的人呷一口杯中的白酒，才回答道「几点呀大哥？成点啦，你见咁多人，又点会早」
「我系上环果边饮完再过黎嘛」Justin向对面的bartender 示意，点了和Desmond一样的酒。
「今晚啲仔点呀？」两个酒杯碰了碰，叮一声作响。
「冇乜特别，上次好中意你果个系果边」Desmond 朝左边指，也不忘重新扫视场内的人。
「你讲Keh?」
「系呀你地慢慢玩下，唔阻你地呀」Desmond加上一个jian笑。
Justin拿酒杯，再次拥进人群中，朝Keh方向钻去。
Keh看到Justin，马上露出喜悦的神色，不顾身边的朋友，主动拉Justin的手臂。
「哗你咁夜？仲以为你唔黎添」Keh的手指在Justin手臂上游走，感受对方结实的肌rou。
「差唔多啦，越夜越Jing彩架嘛，你班朋友，好似有啲未见过喎」Justin贴对方的耳朵说话，还故意地把脸贴在Keh上。
「有几个少黎架嘛，你想识佢地咩？」Keh的右手早已由手臂往下进发，徘徊在Justin的腰间。
「新朋友梗系要认识下啦，睇黎都玩开喎佢地」Justin 双眼正打量Keh 旁的几个男孩，那个穿蓝白色Polo的男孩迎上了Justin 的眼神。
Justin稍微推开Keh 不安份的右手，挤进男孩边，举一举手中的酒杯，脸颊贴他耳朵。
「hello你系Keh 个fd?我叫Justin 呀」
「hello系呀佢带我落黎，我系Don」
「Bond? 个名咁型」
「Don呀D O N呀」
「哦哦，都系型呀，同个人几衬」
「哈哈??边系呢」
酒过三巡後，Justin和Don也略带两分醉意。Justin在人群中穿插过後，最後也回到Don身旁。
「咦你做咩唔出去玩？」Justin觉得Don怎样也不像初出茅庐的小男孩。
「Clubbing 仲有咩好玩呀，当陪下人炸嘛」
「应该唔系第一次落黎啦？」
「上过黎几次姐，以前系外国就落得多少少」
「咁你落黎陪边个呀？」Justin有点不怀好事地笑，右手落在Don颈後。
「Keh呀你都识佢架喎」Don在Justin耳边说，也不忘以舌尖轻轻挑逗Justin，算是回应Justin。
「识你好似开心啲喎」Justin和Don只剩下一个鼻尖的距离，Don选择闭上眼睛。
「喂屌呀！咁就锡左架啦？」Andrew放下手中的猪柳强，惊讶地问Cyrus。
对，Justin从22楼回到地上後，真名叫Cyrus。
「系呀都贴到咁埋，唔锡咪好浪费??」
「如果我可以咁简单就锡到条女就好」
「你有女朋友架啦，你唔好谂啦」Cyrus咬掉手中的麦乐鸡。
「佢都唔系香港??」
「哗你暗示啲乜呀？咁仆街你」
「嘻，讲下姐，你估我系你呀？咁就锡到人咁随便，但我想问果晚有冇同佢扑埋？」Andrew 狡猾地一笑。
「冇啦果晚同佢一齐揽下跳下舞讲下野咁，两点几就送左佢上车啦」
「电话都冇？点fun呀之後？」
「交换左ig啦，不过都唔会点同佢讲野啦，其实上得去都系寂寞想识下人抽下水架姐，好多时之後都唔会讲野」
逢场作戏，懂吗？
"Beautiful Now" by Zedd