4.
「喂，大只仔！」西门3X岁，同昌都倾得埋，有时倾吓着衫睇戏同?女心德，重有北上揼邪骨咁啦。
「帮帮手，听日呢度有维修，我地提早6点收场。咁要麻烦你清一清个场先收工。我地写字楼同会所柜台就6点收架啦，你同手足清埋个场就自己锁门走啦。」阿昌做咗几年，都明白呢啲配合定期维修嘅服务，咁谂住几个一齐做应该10点前走得。「得啦，都唔系几多嘢好快搞掂，放心。」「咁旨意你架喇。」西门转身离开。阿昌就将安排话俾当仔知。「我早知啦，寻日柜台美诗同我讲咗啦，我地重买咗飞今晚7点睇复仇者?！」昌觉得自己好柒，俾个细嘅过咗一幢。「吓，你地??唉，今晚我地要帮手清场俾人呀！咁点呀，你改睇第二场啦。」「吓好难买飞架套戏，美诗?咗好耐个mon先订到架，睇唔到佢实爆seed，话唔定约第二条仔睇架。」「咁有嘢做无计架！佢飞你呢啲女要嚟做乜呀，你呢啲90後??」阿当死老豆咁面口唔出声「唉算啦，你而家帮我执清个playhouse佢啦，今晚我华叔搞掂喇。」呢个时点华叔把声喺後面响起，「我今晚入马场喎，重谂住放早约晒番架。」「你又会知今日放早嘅？又边个讲你知架？」「上个礼拜大堂已经贴咗通告罗喎！」阿昌真系觉得自己柒中之柒。「你两条友得架啦，我唔该你同我而家去执好个gym 同浴室，其他嘢我跟尾啦。你两条友听日准时返呀，我今晚ot听日要晏啲返。」「Yes sir!」两人一齐答应。