七年
呢七年入面我地走过好多好多
大家一齐经历过好多事
从一开始系msn 见到你张相第一眼既悸动
前後倾左2个月左右第一次既见面
你着住一条烂既牛仔裤,坐系我架车到一路食麦当劳同我倾计
到系我屋企同你讲不如一齐
我地因为冇地方相处,会楂架车系街玩mario赛车
因为饮醉酒唔知几多次系架车入面训天光
系屋企一齐玩online game玩几个钟
到我终於自己住,你为左陪我成日系度捱眼训
其实心底入面有好多好多既回忆
太多既片段令到我系每一次想分手既时候放唔底
太多既回忆令到我将你每一个缺点选择去原谅
一路走黎既日子真系非常唔容易
你由一个大学生变得事业有成
我亦由一个青年开始踏入中年
我地曾经经历好多,亦都曾经选择分开过
最後因为在意对方而从新选择一起
可惜世界不断变,我地既感情亦都随着时间而变
变得脆弱,变得缺乏沟通
大家系出面都做左对唔住对方既事
曾经以为可以忘记对方既错从头再来
但原来渐渐地我地都已经唔再将对方看成生活上重要既一部分
你忙碌你既工作,将钱睇得比一齐都重要,完全将我疏忽
我亦都冇办法再好似以前咁不断咁对你关心照顾
或者而家分开真系对大家系一件好事
等大家可以走出来去遇上下一个更适合既人
等大家可以为自己既目标更加努力实现
我攰啦
虽然我问自己心入面最爱既依然系你
但我好清楚大家走落去都唔会有将来
大家都唔能够忘记大家曾经带来既伤害
更加唔相信对方可以作出改变
所以我决定放手
虽然我仍然爱你